သရုပ်ဆောင် မိုးဟေကိုကတော့ ပရိသတ်တွေကိုခြောက်လှန့်ဖို့အတွက် ဇာတ်ကားတစ်ကားနဲ့ မိတ်ဆက်လိုက်ပါပြီ။ အဲ့ဒါဇာတ်ကားကတော့ လူများကို ခြောက်လှန့်ရန် တစ္စေ္စတစ်ကောင်အလိုရှိသည်ဆိုတဲ့ ဇာတ်ကားဖြစ်ပါတယ်။
စိတ်လှုပ်ရှားစရာကောင်းတဲ့ သရဲဇာတ်ကားကို မိုးရုပ်ရှင်ထုတ်လုပ်ရေးမှ ထုတ်လုပ်ပြီး ဒါရိုက်တာ ညိုမင်းလွင်ရိုက်ကူးပုံဖော်ကာ ဒါရိုက်တာစတီးလ် (ဒွေးမေတ္တာ) မှ အနုပညာအကြံပေးအနေဖြင့် ဖန်တီးထားတာ ဖြစ်ပါတယ်။ လူများကို ခြောက်လှန့်ရန် တစ္စေ္စတစ်ကောင်အလိုရှိသည် ရုပ်ရှင်ဇာတ်ကားနဲ့ ပတ်သက်ပြီး သရုပ်ဆောင် မိုးဟေကိုက “ ဒီဇာတ်ကားလေးနဲ့ ပတ်သက်ပြီး ပရိသတ်တွေအတွက် မတူတဲ့ ခံစားချက်လေးတွေ ပေးချင်တာပါ။ပရိသတ်တွေ ကြိုက်တာ မကြိုက်တာကတော့ ရုံတင်မှပဲ အဖြေသိရမှာပေါ့နော်။ လောလောဆယ် အထူးပွဲကို လာရောက်အားပေးကြတဲ့ ပရိသတ်တွေ ကြိုက်ကြတဲ့ အတွက် ၀မ်းသာပါတယ်။” လို့လဲ မိုးဟေကို က ပြောပါတယ်။
“သရုပ်ဆောင်တစ်ယောက်ဖြစ်ဖြစ်၊ ထုတ်လုပ်သူ တစ်ယောက်ဖြစ်ဖြစ် ဇာတ်ကား တစ်ကားနဲ့ တစ်ကားမတူအောင်လို့လဲ သေချာ စဉ်းစားရပါတယ်။ မိုးက အလုပ်လုပ်ရင်လဲ သေချာ Plan ချပြီး လုပ်တတ်တဲ့ အတွက်ကြောင့် တတိယမြောက် ရုပ်ရှင်ဇာတ်ကားမှာလဲ ပရိသတ်ကို ထူးခြားတဲ့ ရသတစ်မျိုး ဖန်တီးပေးချင်တဲ့ အတွက် လူများကိုခြောက်လှန့်ရန် တစ္စေတစ်ကောင် အလိုရှိသည် ရုပ်ရှင်ဇာတ်ကား ရိုက်ဖြစ်ခဲ့တာပါ။” လို့ ထုတ်လုပ်သူ တစ်ယောက်ဖြစ်တဲ့ မိုးဟေကို က ထပ်မံပြောကြားခဲ့ပါတယ်။
ကိုယ်တိုင်ထုတ်လုပ်ရေးလုပ်တယ် ဆိုပေမယ့် ကိုယ်တိုင်သရုပ်ဆောင် မလုပ်ပဲ သရုပ်ဆောင်အလုပ်ကို လျော့လုပ် သွားပြီးတော့ သာမန် မိန်းကလေးတစ်ယောက်အနေနဲ့ပဲ သူငယ်ချင်းတွေနဲ့ အပြင်အလုပ်ကို လုပ်နေပါတယ်။
မိုးဟေကို က ပရိသတ်တွေကို ခြောက်လှန့်စေချင်လို့ ဖန်တီးလိုက်တဲ့ လူများကိုခြောက်လှန့်ရန် တစ္စေတစ်ကောင် အလိုရှိသည် ရုပ်ရှင်ဇာတ်ကားကို မေလ အတွင်းမှာပဲ ရုံတင်ပြသသွားမှာဖြစ်လို့ လာရောက် အားပေးဖို့ကိုလဲ ပြောကြားခဲ့ပါတယ်။
Credit: Duwun
Comments
Post a Comment